New Star Boutique

New Star Boutique mehmonxonasi Xivaning tashqi qal’asi bo‘lgan Dishan Qala hududida, Ichan Qal’adan bir necha metr uzoqlikda joylashgan bo‘lib, 1903-yilda Muhammad Rahimxon II ning nufuzli amaldor va maslahatchilaridan birining tashabbusi bilan qurilgan Muhammad Maxram madrasasi va uning minorasi binosini egallaydi. Mehmonxonada suv filtrlash tizimi va xonalarda pol isitish tizimi o‘rnatilgan. Mehmonxona restorani 50 o‘ringa mo‘ljallangan bo‘lib, o‘zbek milliy taomlari taklif etiladi. Tomda kosmik ob’ektlarni kuzatish uchun teleskop bilan jihozlangan dam olish zonasi va Maxram minorasiga chiqish imkoniyati mavjud. Mehmonxonada tunu kun ishlaydigan qabulxona, seyf, Wi-Fi, konditsionerlar, telefon, sun’iy yo‘ldosh televideniyesi va xavfsizlik xizmati ishlaydi. Ilova qilinadigan xizmatlar: qo‘shimcha an’anaviy o‘zbek nonushtasi, xona xizmati (nonushta, ikkinchi nonushta, tushlikdan oldin gazak, tushlik, choy, kechki ovqat), massaj, kir yuvish, gid xizmatlari, xalqaro telefon qo‘ng‘iroqlari, avia va temir yo‘l chiptalarini bron qilish. Urganch xalqaro aeroporti 36 km uzoqlikda joylashgan.