Arien Plaza

"Arien Plaza" mehmonxonasi Toshkent shahrining nufuzli, ekologik toza tumanlaridan birida, markaz, xalqaro aeroport va temir yo'l vokzalidan o'n daqiqalik masofada joylashgan. Sokin va osoyishta hudud yoqimli vaqt o'tkazish, samarali ishlash va ajoyib dam olish uchun qulay sharoit yaratadi. Qulay joylashuvi tufayli mehmonxonadan turli ko'ngilochar va biznes markazlari, sayyohlik diqqatga sazovor joylari, gipermarketlar yoki teatrlarga birdek oson yetib borish mumkin. Yuqori darajadagi xizmat ko'rsatish, tanholik va osoyishtalik muhiti mehmonlarga uch turdagi xonalar: Standart, Lyuks va DeLyuks orqali ta'minlanadi. Mehmonxonada mehmonlar, sayyohlar, turistik guruhlar hamda sayohat qilayotgan oilalarni qabul qilish va ularga qulay xizmat ko'rsatish uchun yetarli miqdordagi xonalar mavjud. Xonalarda har bir tafsilot puxta o'ylab chiqilgan: sun'iy yo'ldosh telekanallari, yassi ekranli televizorlar, konditsionerlar, Wi-Fi Internet, telefon aloqasi va shaxsiy seyflar. Mehmonxona xonalari klassik uslubda bezatilgan bo'lib, unutilmas muhit va qulaylik yaratadi.