Inspira-S

Hotel Inspira-S Tashkent — bu nafosat, zebo-zinnat, zamonaviy dizayn va eng yangi yapon texnologiyalarining uyg‘unligidir. Mehmonxonaga kirishingiz bilan sizni Toshkentdagi birinchi konsyerj robot kutib oladi, u poytaxt mehmonlari va aholisiga mehmonxona, poytaxtning eng mashhur diqqatga sazovor joylari haqida to‘liq ma'lumot beradi hamda barcha savollaringizga javob berishga harakat qiladi. Mehmonxona shahar markaziga yaqin, yirik savdo markazlari, dam olish va ko‘ngilochar joylar, ko‘rgazma markazlari, yangi zamonaviy Toshkent City madaniyat va dam olish bog‘i, mashhur Toshkent bozori Chorsudan piyoda masofada joylashgan. Shuningdek, mehmonxona yaqinida Islom sivilizatsiyasi instituti joylashgan — hozirda qurilayotgan juda go‘zal bino. Mehmonxonadan I.A.Karimov nomidagi xalqaro aeroportgacha masofa taxminan 8 km ni tashkil etadi, bu taksi bilan bor-yo‘g‘i 15 daqiqa vaqt oladi. Mehmonxonadan shaharning istalgan nuqtasiga qulay va tez yetib borish mumkin. Mehmonxonadagi umumiy xonalar soni 140 tani tashkil etadi. Har bir mehmon shaxsiy imtiyozlaridan kelib chiqib, o‘ziga qulay bo‘lgan xonani tanlashi mumkin: bu qulay, did bilan jihozlangan standart xonadan tortib ikki xonali Royal Suite apartamentlarigacha. Mehmonxona shuningdek, oilaviy xonalar; nogironlar uchun xonalar; balkonli xonalar; superior deluxe va junior xonalarni ham taklif etadi. Barcha xonalar, toifasidan qat'i nazar, zamonaviy xizmat ko‘rsatish standartlariga muvofiq jihozlangan: har birida zamonaviy hammom (vanna yoki dush bilan), smart tekranali televizor, telefon, mini-muzlatgich, seyf, hammom aksessuarlari va boshqalar mavjud. Mehmonxona hududida 24 soatlik "Lounge Bar" bar, zamonaviy qulay "Inspira" restorani mavjud bo‘lib, u yerda har kuni ertalab soat 07:00 dan 10:00 gacha mehmonlarga bufet usulida nonushta taqdim etiladi. Tushlik va kechki ovqat vaqtlarida "Inspira" restorani tashrif buyuruvchilarga Yevropa va Pan-Osiyo oshxonalarining mazali taomlarini tatib ko‘rishni taklif etadi. Mehmonlar, shuningdek, mehmonxonaning qulay "Inspiration" SPA-zonasiga tashrif buyurishlari mumkin. U 2 turdagi saunani (turk hamami va quruq fin hammomi), jakuzi, yopiq basseyn va sport zalini o‘z ichiga oladi. SPA-zonaning fitobari sog‘lomlashtiruvchi kokteyllar va dorivor o‘tlar bilan yangi damlangan choyning keng assortimentini taklif etadi. Mehmonxonada 40 kishigacha mo‘ljallangan to‘liq jihozlangan konferens-xona mavjud. O‘rindiqlar joylashuviga qarab, mehmonxona turli xil tadbirlarni o‘tkazishi mumkin: prezentatsiyalar, B2B formatidagi ish uchrashuvlari, konferensiyalar, muzokaralar va h.k., qo‘shimcha tegishli xizmatlar — tushliklar, kechki ovqatlar, kofe-breyklar va ziyofatlarni tashkil etish bilan.