Surxon Hotel

Surxon Hotel Termiz shahrida 1988‑yilda foydalanishga topshirilgan bo‘lib, zamonaviy muhandislik kommunikatsiyalari, jumladan, uzluksiz elektr va gaz taʼminoti, avtonom issiqlik taʼminoti, mavsumiy konditsioner tizimi, ichki va shaharlararo telefon aloqasi hamda simsiz Wi‑Fi internet bilan jihozlangan. Oxirgi kapital rekonstruksiya 2018‑yilda amalga oshirilgan. Mehmonxonada turli toifadagi (Standard, Premium, Deluxe va Luxe) va sig‘imdagi 96 ta xona mavjud; barcha xonalar balkonga ega hamda zarur tizimlar, texnika va qulay mebellar bilan taʼminlangan. Mehmonlar ixtiyorida tunu‑kun xona xizmati, kir yuvish xizmati, avtoturargoh va internet, shuningdek, restoran, massaj xonasi, sartaroshxona, esdalik sovg‘alar do‘koni, VIP‑zal, valyuta ayirboshlash shoxobchasi, bar, fitnes zali, sport zali, basseyn, bilyard zali, stol tennisi zali va shahar bo‘ylab ekskursiyalar mavjud. Mehmonxona temir yo‘l vokzalidan 1 km va xalqaro aeroportdan 11 km uzoqlikda joylashgan.